 |
 إستراحة القصر | |
| |||||||
| التسجيل | التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
| قَصْر يَوْمِيّات الأعْضاء [يُمنع الرد على يوميّات الآخرين] |
 |
| | LinkBack | أدوات الموضوع | التقييم:  | انواع عرض الموضوع |
07-29-2008, 11:40 AM
| رقم المشاركة : ( 13 (permalink) ) | ||||||
| مشرفة قَصْر عَدَسة كاميرا الأعْضاء وقصر دروس التصوير الاحترافي
 |  مشاركة: محـطــــ غيرت مجرى حياتي ــات 29/7/2008 اول مرة من بعد كل اللي صار انام نومة طويلة البارحة بالليل خذت حبوب و نمت لين الصبح امس فرحت ان اخواني الاثنين اقتنعوا من بعد حنة و رنة اني انا بخير و راحوا صلالة سلمت عليهم لأني كنت ع اساس اليوم الصبح بروح بس قلت بقعد لين ما يأذن الظهر عشان اقعد مع امي و ابوي شوي و بعدين بروح تركي و زايد عصبوا لأن عندهم دوامات بس ما قالولي شي و قلتلهم اني ابا اروح بسيارة صحيح اني ما ابي اتذكر شي بس بعد ابغي اشوف شوارع هالأرض الطيبة في كل شارع لي ذكرى بقعد شوي في بوظبي عشان اسلم على يدتي و بعدها بروح | ||||||
| | |||||||
 |
|
08-11-2008, 11:48 AM
| رقم المشاركة : ( 15 (permalink) ) | ||||||
| مشرفة قَصْر عَدَسة كاميرا الأعْضاء وقصر دروس التصوير الاحترافي
| مشاركة: محـطــــ غيرت مجرى حياتي ــات ما راح كتب تاريخ لأني ماراح اكتب عن يوم واحد بس .. بكتب عن يومياتي هني بالدوحة على ما اعتقد بنبدا من تاريخ 30/7 اول ما وصلت الدوحة طبعن كانت النفسية مش ولا بد بس كنت مضطرة اني اجامل كل اللي يوني البيت عشان يسلمون علي و بعد معاناة من الجميع و كل اللي يحبوني و يهتمون فيني قررت اني احاول انسى كل اللي صار انا طبعن قلت بحاول بس مو أكيد و ان شاالله اقدر اللي خلا الفرحة تدخل قلبي اني اكتشفت ان الدنيا بعدها بخير و نفس ما فيه اسود هم بعد في ابيض و مثل مافي شر هم بعد فيه خير و تذكرت كلام وحدة عزيزة علي و اهي معانا ف المنتدى لمن قالتلي في ناس تروح و ناس تيي و هاذي سنة الحياة و سبحان الله في هالإجازة و اللي هي اتعس فاكيشن مرت علي راحوا من عايلتنا ثلاثة و اهمه أغلى و أقرب الناس على قلبي و بعد موت آخر اثنين يانا حمودي الصغيّر و أول هالشهر أول ما وصلت الدوحة شرفت على وصولي أحلى أمونة و بعدها رناد و قبل جم يوم أختي باإمارات يابت حمدة و ان شاالله هاذيلين يعوضون مكان اللي راحوا مرت علي أيام ضحكت فيها وايد و طلعت و تمشيت و كالعادة مساكين اليهال اللي يكونون هناك اكون حادتلهم كنت رايحة السيتي و قعدت العوز اليهال امشي جدامهم و اوقف مرة وحدة أو أمشي و اخرعهم اقول لهم بوو هاذا كله بالنهار أما بالليل نقعد سهرانين بس لأن كلهم دوامات ينامون و أنا أقعد بالغرفة أطالع هالتلفزيون إما توم آند جيري ولا نقار الخشب أو هابي تري فرندز اللي اهوه رسومي الدموي المفضل لووول و لمن يصير الصبح اهمه يروحون دواماتهم اما آنا البطالية فأنام و اقعد لمن يأذن الظهر عشان اصلي و اتم قاعدة و على هالحال كل يوم الحمدلله نفسيتي ارتاحت لكن مر علي يوم من بعد ما طلعت و رحت الصالون و صبغت شعري و غريت ستايلي و كل شي يزعم قلت خلاص بتغير مادري شصار حسيت اني محتاجة أحد يكون يمي .. تذكرت رفيجتي ايمان و محمد و خالي و يدي و شلون خلوني تكدرت و ما قدرت اتم اضحك قمت من ع العشا و حبست روحي في الغرفة بس بعدها بيوم أخوي و مرته و بنته يوني الدوحة و قعدوا معاي و استانست وايد و كان يومي حلو و ما راح انساه كلش خاصة لأني كنت ولهانة على بنت اخوي الحلوة و وحشتني لمن كانت تقولي أمّوه سويلي أمّاس و ألاوة ( عموه ارسميلي أم خماس و حلاوة) | ||||||
| | |||||||
| |
|
08-11-2008, 11:48 AM
| رقم المشاركة : ( 16 (permalink) ) | ||||||
| مشرفة قَصْر عَدَسة كاميرا الأعْضاء وقصر دروس التصوير الاحترافي
| مشاركة: محـطــــ غيرت مجرى حياتي ــات طبعن للي يزور قطر أول مرة بغرض السياحة بيوم واحد يخلصها فما بالكم أنا !!!؟ انا ما اروح غير السيتي اغير جو بالشوبينغ رحنا انا و اثنين اللي هم صديقتي الصدوقة اللي انخطبت من يومين و كنت فرحانة اني كنت معاها و احمد اللي هو صديقي الصدوق و الخص اللي لو اسوي اللي اسويه باحس اني بعد مقصرة في حقه .. هالشخص اللي اموت من الضحك و انا معاه .. هالشخص اللي يحاول يسوي اي شي عشان ما اتضايق .. هو صديقي الصدوق خاصة في المغامرات و الاكنات و أهم شي الخساير لأني دايمن اتحداه و اخليه يعزمني اذا خسر التحدي و مسكين دايمن يخسر آخر عزيمة كانت البارح رحنا السينما و تعشينا و تمشينا ع البحر اللي اهوه مكاني المفضل تكلمنا في اشياء وايد خاصة و انا امشي مادري شلون انفجت سويرتي اللي كانت في ايدي من سنين و كانت بيني و بين ايمان الله يرحمها تضايجت وايد خاصة اني ما شلتها حتى بعد موتها و قلت اني ما بشيلها لكن مادري شلون طاحت.. بس بعد ما كلموني احمد و ريم و بعدها يونا بوتروك و زايد و مرته و عياله و خالتي و الشبيبة كلهم قعدنا و ضحكنا و استانست نسيت كل شي و قررت اني ابدا حياتي من يديد و قررت اني اغير نفسي مع اني ادري اني ما راح اقدر اتغير فاللي شب على شي شاب عليه بس ان شاالله بقدر .. خلوني اقولكم على موقف صار لواحد من هالتحف اللي عندي هاذا الله يسلمكم عنده ولد بالصف الأول ماشاالله عليه ذكي و حبوب و خلوق المهم نجح الولد و طلع الأول و أبوه التحفة مو مصدق شلون ولده طلع الأول و يقول الله يقطع بليسه ابوه بدوي و امه بدوية طالع الأول شلون ؟؟؟! ههههههه مو اقول لكم تحفة | ||||||
| | |||||||
| |
|
08-11-2008, 11:49 AM
| رقم المشاركة : ( 17 (permalink) ) | ||||||
| مشرفة قَصْر عَدَسة كاميرا الأعْضاء وقصر دروس التصوير الاحترافي
| مشاركة: محـطــــ غيرت مجرى حياتي ــات هني بحط التاريخ 10/8/2008 الواحد مرات يحب انه يخاطر و يسوي مغامرة عشان يفكر و انا توني رادة من مغامرة طبعن من بعد معاناة و محاولات قدرت اني اقنع احمد اني اسوق السيارة وي انا ما عندي ليسن بس هاذي ثاني مرة اسوق فيها ^_^ ما بقول سقت بحرص و شوي شوي بالعكس كانت سواقتي انتحارية تقريبا بس الحمدلله ما صارلي شي لأن احمد ما خلاني اكمل و كان كل شوي يمسك السكان و يقولي ما بتستفيدين شي و ما بتحلين اي شي بهالطريقة فكري بعقل المهم بعد هالمغامرة حسيت براحة زيادة و فكرت و بقول وش اللي طرى على بالي أفكر اني ارجع بلادي الامارات .. وحشتني امي و وحشوني ابوي و اخواني وحشني الفريج وحشني كل شي وصلني خبر ان حتى ولد جيرانا اللي تهاوشت وياه جم مرة سأل عني بس ليما الحين احس اني مو قادرة ارجع كل شي و كل مكان فيه ذكرى اكيد مو الكل يدرون باللي صار بس بعد موت محمد بفترة خالي و يدي توفوا بنفس اليوم شفت خالي و اهمه ينعشونه و مات و شفت يدي اول ما رجعت البيت و درى بالموضوع شلون حط ايدينه على قلبه و طاح صرت اشوفهم كل يوم عندي بالغرفة صحيح ان هاذي سنة الحياة بس هم هالشي صعب علي و احس اني صرت ماني قادرة اتحمل اي شي زيادة فقررت اني ابتعد والله لمن اتذكر شلون صار جذي احس اني كنت قاعدة ف فلم و صحيح ان قطر مو بعيدة و انا ماني غريبه بين هالناس بس بعدني احس بغربة و اعيش بغربتي هني وايد ارحم كنت مقررة اني اسحب اوراقي من الكلية و ما اكمل خاصة اني ما برجع الامارات بس اللي يمي يحاولون يخلوني اكمل حتى لو هني بقطر بديت اتقبل هالشي دام ان السالفة صار فيها تهديد بالزواج :) شدعوه !! على قولتهم ما عندنا بنات يقعدون بالبيت بدون دراسة و اذا ما تبين تزوجي المهم ما تقعدين جذي انا توني رادة من برا من هالمغامرة اللي سويتها و قاعدة بالسرداب اطالع اللي قاعد يلعب بلاي ستيشن و اللي قاعد يلعب بليارد و ما لقيت روحي غير فاتحة الوورد و قاعدة اكتب قلت اغير جو و اتطمن عليكم وحشتوووني حيل حيل و ان شاالله ما تكونون نسيتوني | ||||||
| | |||||||
| |
|
08-11-2008, 11:49 AM
| رقم المشاركة : ( 18 (permalink) ) | ||||||
| مشرفة قَصْر عَدَسة كاميرا الأعْضاء وقصر دروس التصوير الاحترافي
| مشاركة: محـطــــ غيرت مجرى حياتي ــات 11/8/2008 صباح الخير والله ما نمت غير ساعتين و مسطلة ع الأخيييير كنا البارحة قاعدين نشوف فلم ذا جرادج و يحسبوني اخاف كل شوي واحد من هالتحف الا يمشي شوي شوي و فاج عينه و اللي قاعد يطالع تحت الكرسي و اونه مستغرب يزعم فيه شي تحت الكرسي ولا وراي تحف والله المهم اليوم شفت سلمانو اللي اهوه ولد جيرانا هاذا معروف بحبه و هوسه للسيارات و الريس شفت الكولكشن اللي عنده انا البنت تيننت ما الومهم الشباب الصراحة و احلى شي اني شفت عشقي الاول و الاخير شفت سيارة حمرا جناااااااان و الحين بروح اشوف العيال اليدد بروح اشوف امونة و بعدين بروح اشوف رناد و بعدها بروح السيتي هالمرة حرام العزيمة علي | ||||||
| | |||||||
| |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | تقييم هذا الموضوع |
العرض العادي
| |
الساعة الآن 07:52 AM.
Search Engine Optimization by vBSEO 3.3.2