^_^ مافي انسان يبيع حد .. الشخص بنفسه يجذب الناس له بأسلوبه وطهارة قلبه، الواحد لو يبا بيخلي كل الي حواليه يحبونه ويسمعونه وأيضا لو يبا بيخليهم ينفرون منه ويتحاشونه..

انا اتبع هذا الشي ، "اجعل كل شخص احب الاشخاص اليك"، يعني احسس كل شخص اقابله انه اغلى انسان عندي واني احبه وايد.. واحسسه بقيمته .. بها الطريقه انا بكسبه وبخليه يحب انه يكون قريب مني ..

ما انكر ان في ناس راسهم يابس لو شو تسوين ما يفيد معاهم، لكن الصبر ثم الصبر، وما اعتقد انه في انسان يحصل المعامله الحلوه والكلمه الطيبه انه يتنكرلج..

ودائما الواحد لازم يخلي مقولة مريم نور في باله "حبوووا بعض" ^.^ .. حبي الناس واتمنيلهم الخير وصفي النيه الكل بيحبج .. ومستحيل حد يبتعد عنج او "يبيعج" ..

عشان جيه ماشالله في ناس متزوجين مرتاحين وفي ناس سبحان الله حياتهم جحيم، لان الفرق الي بينهم ان كل واحد الي بينهم هو مدى احترام الآخر ومدى حب الي بينهم..

تلقين احيانا ناس اتحب بس حبهم سم على القلب، وفي ناس يحبون ويكون حبهم يأبرني ما أحلاه.. وكل هذا فن، كيف الواحد يتفنن في تعامله مع الناس ..

اتمنى اني قلت كلام مفيد >.< ...

^_^ انصحكم بقراءة كتاب "استمتع بحياتك" للدكتور محمد العريفي ^_*